रत्न ‘दोषी’ हुंदे नाटक साहित्य दी पात्र रचनाः इक अध्ययन

Abstract

नाटक च चरित्र-चित्रण दा सभनें शा मता म्हत्तव होंदा ऐ। नाटक रूपी मैह्ल दे निर्माण च कथानक ते पात्र इट्टे-बट्टें दी भूमिका नंभादे न। पात्रें दे संवाद सीमेंट दा कम्म करदे न। एह् दौने गी जोड़ने दा माध्यम बनदे न। एह् दौने दी भूमिका कारीगिर आह्ला लेखा होंदी ऐ, जेह्ड़ा पात्र दे कार्य व्यवहार राहें अपनी गल्लें गी व्यक्त करदा ऐ ते उं’दे चरित्तें पर लोऽ पांदा ऐ। चिरत्र-चित्रण अज्ज दे नाटकें दा प्राण तत्व ऐ, की जे अज्जै दा युग मनौविज्ञनान दा युग ऐ ते मनोविज्ञान दा केन्द्र चरित्र गै ऐ। नाटक च नेह् पात्रें दी स्रिश्टी होनी बड़ी जरूरी ऐ जिस कन्नै नाटक च सजीवता उठी आवै। नाटक च मुक्ख पात्रें दी संख्या घट्ट शा घट्ट होंदी ऐ ते  दुए मुक्ख पात्रें दे चरित्र निर्माण च सहायक बी होंदे न। नाटक च पात्रें दा कार्य-व्यवहार गै कथानक दा स्थाई मुल्ल ऐ ते उसगी सार्थकता बी प्रदान करदा ऐ।